Mobil versiya
Vahid Əhmədov: "Bütün məhsulların qiyməti qalxacaq"
Tarix: 15-07-2016, 12:32 | Saat: 15:47:00
Bölmə:İqtisadiyyat | çapa göndər

Vahid Əhmədov: "Bütün məhsulların qiyməti qalxacaq"


İyulun 14-də Azərbaycan Tarif (qiymət) Şurasının növbəti iclası keçirilib.

Aia.az xəbər verir ki, "Azərişıq” Açıq Səhmdar Cəmiyyətinin və "Azərenerji” Açıq Səhmdar Cəmiyyətinin müraciətləri nəzərə alınaraq elektrik enerjisinin qiyməti artırılıb. Bir kilovat-saat elektrik enerjisinin topdansatış tarifi 4,3 qəpik, pərakəndə satış tarifi isə 7 qəpik müəyyən edilib.

Bununla bağlı Milli Məclisin İqtisadi Siyasət Komitəsinin üzvü, deputat Vahid Əhmədov "Qaynarinfo.Az"-a açıqlama verib.

O bildirib ki, elektrik enerjisinin qiymətinin artmasından sonra digər məhsulların da qiyməti arta bilər:"Elektrik enerjisinin qiymətinin artması bütün sahələrə təsir edəcək. Çünki, bütün məhsulların maya dəyərində elektrik enerjisi oturub. Elə bil məhsul yoxdur ki, onun hazırlanmasında elektrik enerjisi istifadə olunmasın. Əhali üçün 1 qəpik qiymət artımı da böyük bir rəqəmdir. Bu, söz yox ki, həyat şəraitinə təsir edəcək. Ola bilər nəqliyyat və digər malların qiymətində də artım olsun".

Vahid Əhmədovun fikirincə, yəqin hökumət müəyyən tədbirlər görəcək ki, qiymətlərdə ciddi artım olmasın: "İqtisadi İnkişaf Nazirliyinin xüsusi departamenti var, o departament ciddi işləməlidir. Ümumiyyətlə, gedən proseslər onu göstərir ki, Azərbaycanda ciddi islahatlara çox böyük ehtiyac var. Bu islahatları da çox çevik şəkildə aparmaq lazımdır. Elə aparmaq lazımdır ki, qısa müddətdə bəhrəsini versin. Necə ki, bir müddət öncə kənd təsərrüfatına diqqət artılıdı və bu sahədə müəyyən qədər inkişaf əmələ gəldi".



5487 dəfə oxunub.

Digər xəbərlər


Xəbərə şərh yaz
Ad və soyad:*
E-Mail:
Şərhiniz:
Kodu yazın: *
Кликните на изображение чтобы обновить код, если он неразборчив

18-10-2019
17-10-2019
«    Октябрь 2019    »
ПнВтСрЧтПтСбВс
 123456
78910111213
14151617181920
21222324252627
28293031