Mobil versiya
Azərbaycanda bacısını uşaqların gözü qarşısında öldürən qardaşın şok cinayəti (VİDEO)
Tarix: 09-06-2016 | Saat: 14:32
Bölmə:Cəmiyyət | çapa göndər




Samuxda baş verən dəhşətli qətlin bəzi təfərrüatları məlum olub.
Aia.az Kəpəz TV-yə (Region TV) istinadən xəbər verir ki, ötən gün Samux rayonunda qətl hadisəsi baş verib. Sərxoş halda olan qardaş bacısının həyatına son qoyub. Bu, dəhşətin bir tərəfidir. Digər tərəf isə hadisənin qadının azyaşlı övladının gözü qarşısında baş verməsidir. Qətlin qısqanclıq zəminində törədildiyi güman olunur.

Samux rayonunun Hacallı kəndində 32 yaşlı Cavad Həsənov bacısı 30 yaşlı Gülnarə Həsənovanı yaşadığı evdə öldürüb. Qardaş bacısının boğaz nahiyəsinə bir neçə zərbə endirərək onu qətlə yetirib.

Əraziyə rayon polis və prokurorluq əməkdaşları cəlb olunub. Meyit müayinə olunmaq üçün Məhkəmə Tibbi Ekspertiza və Anatomiya Birliyinə verilib. İsti izlərlə keçirilən əməliyyat-axtarış tədbiləri nəticəsində cinayəti törədən Cavad Həsənov saxlanaraq istintaqa təhvil verilib.

Mərhumun anası Elnaz Həsənovanın sözlərinə görə, bacı ilə qardaş arasında münaqişə bir neçə aydır başlayıb. Hər dəfə övladlarını barışdırmağa çalışan ana bu dəfə əlacsız qalıb: "Düşmən kimi yaşayırdılar. Düzdür arada danışırdılar, amma düşmən olaraq qalırdılar. Çünki Cavadı yoldan çıxarıb qızı pis qələmə veriblər".
Mərhumun xalası Bəyaz Həsənova deyib: "Cavad içkili olanda çox pis olur".

Bir neçə ay öncə həyat yoldaşından ayrılan G.Həsənova evdə övladı ilə birgə yaşayırmış.

Faktla bağlı Samux rayon prokurorluğunda cinayət işi başlanılıb, istintaq aparılır.







Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
29-03-2024