Mobil versiya
Bu gün "Eurovision-2016" həftəsi başlayır
Tarix: 08-05-2016 | Saat: 10:42
Bölmə:Dünya | çapa göndər

Bu gün "Eurovision-2016" həftəsi başlayır





Stokholm meri Karin Vannqord bildirib ki, 8-14 may tarixlərində keçiriləcək "Eurovision-2016" mahnı müsabiqəsi həftəsi İsveç paytaxtının bir çox yerlərində keçiriləcək.

Həftə ərzində planlaşdırılan bütün görüşlər, musiqi tədbirləri, təntənəli və idman tədbirləri "Birlikdə pyalaşaq!" şüarı altında keçiriləcək. "Eurovision-2016" mahnı müsabiqəsi həftəsi bu gün səhər İsveç Kral sarayının qarşısında "Eurovision-2016" mahnı müsabiqəsində iştirak edən ölkələrin bayraqlarının qaldırılması ilə başlayacaq. Bayraqlar əlifba sırası ilə qaldırılacaq. Bu mərasimə iştirakçı ölkələrin səfirləri, müğənnilər, ölkələrin nümayəndə heyətləri, müsabiqənin təşkilatçıları dəvət ediliblər.

Bu il də müsabiqə iki yarımfinal və final mərhələlərindən ibarət olacaq. Müsabiqənin birinci yarımfinalı mayın 10-da, ikinci yarımfinalı mayın 12-də, finalı isə mayın 14-də keçiriləcək. Müsabiqə Stokholmda "Globen Arena"da keçiriləcək. Bu il müsabiqədə 42 ölkənin nümayəndələri iştirak edəcək. Bolqarıstan, Bosniya və Herseqovina, Ukrayna və Xorvatiya yenidən müsabiqəyə qatılıblar. Ötən ilin debütant ölkəsi - Avstraliya iştirakını davam etdirir, Portuqaliya isə iştirakçısını göndərməkdən imtina edib.

Xatırladaq ki, 2015-ci ildə Vyanada keçirilən müsabiqədə İsveç təmsilçisi Mons Zelmerlev qalib gəlib. Beləliklə, "Eurovision" müsabiqəsini keçirmək hüququnu İsveç qazanıb.

aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
28-03-2024