Mobil versiya
Kənan Yavuz işdən çıxarıldı
Tarix: 25-04-2016 | Saat: 17:09
Bölmə:İqtisadiyyat | çapa göndər


SOCAR Turkey-in rəhbərliyində dəyişiklik.

SOCAR Sərmayələr İdarəsinin rəis müavini Zaur Qəhrəmanov “SOCAR Turkey Energy” şirkəti İdarə Heyətinin bugünkü qərarı ilə “SOCAR Turkey Energy”nin baş direktoru təyin edilib.

Z.Qəhrəmanov bu vəzifədə 2008-ci ildən tutduğu postdan istefa verən “SOCAR Turkey Energy”nin baş icraçı direktoru (CEO) Kənan Yavuzu əvəz edəcək.

Oxu.Az-ın məlumatına görə, “SOCAR Turkey Energy”dən “APA-Economics”ə bildirilib ki, İdarə Heyətinin sədri Vaqif Əliyev K. Yavuza “SOCAR Turkey Energy” şirkətində bu günə qədər göstərdiyi fəaliyyətə görə təşəkkür edib və Z.Qəhrəmanova yeni vəzifəsində uğurlar arzu edib:

“Kənan Yavuz fəaliyyəti ərzində “SOCAR Turkey” şirkətinə xidmət edib, onun rəhbərliyi altında Şirkət uğurlara imza atıb.

CEO fəaliyyəti ərzində o, həm şirkətimizin investisiyalarının Türkiyədə daha geniş miqyasda yayılmasına, həm də Türkiyənin enerji sektorunda rəqabətədavamlı bir oyunçu halına gəlməsi üçün böyük dəstək verib. Kənan Yavuz Qrup Şirkətlərimizdəki İdarə Heyətinin üzvlüyünü davam etdirəcək”.

V.Əliyev Z.Qəhrəmanovun 8 ildən artıq müddətdə SOCAR tərkibində çox önəmli vəzifələr icra etdiyini xatırladaraq, onun beynəlxalq rəqabətçiliyin artırılması, şirkətin beynəlxalq mövqeyinin güclənməsi və dərinləşməsinə ciddi töhfələr verərək tutduğu vəzifələri uğurla icra edib.

“Ona yeni baş direktorluq vəzifəsində uğurlar arzu edirəm. Əminəm ki, “SOCAR Turkey” şirkətinin uğurlarına və iki qardaş ölkənin enerji sektorundakı gücünə əlavə dəyər qatacaq”, - deyə İdarə Heyətinin sədri vurğulayıb.

Aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
28-03-2024