Mobil versiya
Məsut Özil "Barselona"ya keçir?
Tarix: 26-03-2016 | Saat: 14:01
Bölmə:İdman / Aia TV / Karusel | çapa göndər


"Barselona" Məsut Özili heyətinə qatmaq istəyir.

İddiaya görə, Kataloniya klubu yayda "Arsenal"dan Almaniya yığmasının türk üzvünü transfer etmək istəyir. Qəzet yazır ki, maliyyə problemləri olan "Barsa" bu transfer qarşılığında ingilislərə Sandro Ramires, Munir El Haddadi və Arda Turan üçlüyünü təklif edəcək.

Lakin bu transferdə "Real" əngəli var. Belə ki, "Kral Klubu" 2013-cü ildə Məsutu "Arsenal"a satarkən müqaviləyə xüsusi maddə salıb. "FootballLeaks 2015" saytının yaydığı müqavilədən görünür ki, türk futbolçu "Arsenal"dan hər hansı bir ispan klubuna gedəcəyi halda 48 saat ərzində "Real"a məlumat verilməlidi. Madrid klubu bu təklifə bərabər və ya daha artıq bir təkliflə türk əsilli futbolçunu geri çağırmaq hüququna sahibdi. Təklif transfer pəncərəsinin son günündə edilsə, həmin gün "Real"a məlumat verilməlidi. "Real" imtina etsə və hər hansı bir ispan klubu Məsutu 50 milyon avrodan artıq məbləğə heyətinə qatsa, bunun 33 faizi "Real"ın hesabına köçürüləcək.

"Barselona" həmin müqavilədəki hüquqi boşluqları tapıb, bundan yararlanmaq istəyir. Bu səbəbdən Sandro Ramires, Munir El Haddadi və Arda Turan qarşılığında Məsutun transferi vəziyyətdən çıxış yolu ola bilər. Həm "Arsenad" bir müddətdi bu 3 futbolçuya maraq göstərir.

Qeyd edək ki, "Verder" 2008-ci ildə "Şalke 04"dən 5 milyon avroya aldığı Məsutu 2010-cu ildə "Real"a 18 milyon avroya satmışdı. "Kral Klubu" isə 2013-cü ildə onu 50 milyon avro qarşılığında "Arsenal"a satıb.

"Barselona" Ardan Turanı "Atletiko"dan 34 milyona transfer edib. Sandro Ramires və Munir El Haddadi isə klubun öz yetirməsidi.



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
28-03-2024