Mobil versiya
Bu gündən bəzi dərmanlar yeni qiymətlərlə satılacaq
Tarix: 25-02-2016 | Saat: 13:57
Bölmə:Səhiyyə / Aia TV / Karusel | çapa göndər


Tarif Şurası qərar qəbul edib.

Bu gündən etibarən qiymətləri təsdiqlənən daha 1 940 dərman vasitəsi yeni qiymətlərlə satışa çıxarılacaq.
Aia.az saytı xəbər verir ki, Tarif (qiymət) Şurasının qərarına əsasən, topdan və pərakəndə satış qiymətləri tənzimlənən dərmanların sayı 5 651-ə çatıb. İndiyədək qiymətləri tənzimlənmiş dərman vasitələrinin sayı 3 711 idi.

Qeyd edək ki, Azərbaycanda ümumilikdə qiymətləri tənzimlənmiş dərman vasitələrinin manatın məzənnəsində baş verən dəyişikliklərdən əvvəl satışda olan qiymətləri ilə müqayisədə belə 20 faizinin qiyməti 2 dəfədən çox, 8%-nin qiyməti 3 dəfədən çox aşağı salınmış, ümumilikdə 60 faizinin qiymətləri endirilib.

Tarif (qiymət) Şurasının müvafiq qərarlarına əsasən, hər qrup təsiredici maddə üzrə yeni qiymətlərin qüvvəyə minmə tarixindən etibarən həmin qrupa aid olan, lakin qiymətləri hələlik təsdiq edilməyən dərman vasitələrinin satışı yalnız onların qiyməti təsdiq edildikdən sonra həyata keçirilə bilər.



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
29-03-2024