Mobil versiya
Məşhur turizm şirkətinə ağır ittiham: 20-dən çox ailəni aldatdılar - Polis araşdırmaya başladı
Tarix: 27-08-2019, 12:28 | Saat: 15:47:00
Bölmə:Manşet / Gündəm | çapa göndər

Məşhur turizm şirkətinə ağır ittiham:



Azərbaycanda fəaliyyət göstərən məşhur turizm şirkətlərindən birinin insanları aldatdığına dair iddia irəli sürülüb.

Oxu.Az xəbər verir ki, iddia ilə sosial şəbəkə istifadəçisi Leyla Məmmədli çıxış edib.

Onun sözlərinə görə, "InTravel.Az" saytından Antalyaya tətilə getmək üçün turpaket alıb, lakin hava limanında aldadıldığı məlum olub.

L.Məmmədli deyir ki, Heydər Əliyev Beynəlxalq Hava Limanında ona nə biletinin olduğu, nə də adına hotel bron edildiyi bildirilib.

Sosial şəbəkə istifadəçisinin iddiasına görə, 20-dən çox ailə həmin turizm şirkətinin dələduzluğundan əziyyət çəkir.

Oxu.Az-ın əməkdaşı məsələ ilə bağlı sözügedən şirkətlə əlaqə saxlayıb. Şirkətin meneceri Zahir Mahmudov saytımıza açıqlamasında məsələdən xəbərdar olduqlarını vurğulayıb:

"Şirkətimizin Nərgiz Məmmədova adlı satış meneceri bir müddət əvvəl səhhətində yaranan problemə görə işdən icazə alıb. O, daimi müştərilərin etibarından sui-istifadə edərək onlara saxta sənəd verib, biletlər satıb. Sadəcə, bizim şirkətin deyil, başqa şirkətlərin də adından saxta sənədlər verilib. Nərgiz Məmmədova bu yolla təxminən 20-yə yaxın ailəni aldadıb".

Z.Mahmudov qeyd edib ki, məsələ barədə hüquq-mühafizə orqanlarına müraciət edilib.

Nəsimi Rayon Polis İdarəsindən isə bildirilib ki, hazırda işlə bağlı araşdırma aparılır.


aia.az



587 dəfə oxunub.

Digər xəbərlər


Xəbərə şərh yaz
Ad və soyad:*
E-Mail:
Şərhiniz:
Kodu yazın: *
Кликните на изображение чтобы обновить код, если он неразборчив

16-10-2019
15-10-2019
«    Октябрь 2019    »
ПнВтСрЧтПтСбВс
 123456
78910111213
14151617181920
21222324252627
28293031