Mobil versiya
Azərbaycanda ilk dəfə Gənclərin İnternet İdarəçilik Forumu keçirilib
Tarix: 03-06-2019 | Saat: 17:10
Bölmə:İqtisadiyyat | çapa göndər

Azərbaycanda ilk dəfə Gənclərin İnternet İdarəçilik Forumu keçirilib


“İnnovasiya Festivalı” çərçivəsində ölkəmizdə ilk Azərbaycan Gənclərin İnternet İdarəçilik Forumu keçirilib.

Nəqliyyat, Rabitə və Yüksək Texnologiyalar Nazirliyindən aia.az-a verilən məlumata görə, forum nazirliyin, Azərbaycan Gənclər Fondunun və Birləşmiş Millətlər Təşkilatının İnkişaf Proqramının (BMTİP) təşkilatçılığı ilə baş tutub.

Tədbiri giriş sözü ilə Nəqliyyat, Rabitə və Yüksək Texnologiyalar nazirinin müavini Elmir Vəlizadə Azərbaycanda internetdən istifadə səviyyəsinin 80% təşkil etdiyini bildirib. Ölkədə genişzolaqlı xidmətlərin artırılmasına xüsusi önəm verildiyini vurğulayan nazir müavini deyib ki, hazırda Azərbaycanda innovativ iqtisadiyyatın inkişafı prioritet təşkil edir. Eyni zamanda "Elektron hökumət" həllərinin geniş tətbiqinə diqqət göstərilir.

Forumda çıxış edən BMT-nin İnkişaf Proqramının Rezident Nümayəndəsinin müavininin səlahiyyətlərini icra edən Yuliya Şerbinina gənc fəallara üzünü tutaraq bildirib: “Bu gün biz, dünyada gənclərin sayının ən çox təsadüf etdiyi bir dövrdə yaşayırıq və siz, bu önəmli çağın əsas öncüllərindənsiniz! Siz cəmiyyətdə müsbət dəyişiklik yaratmağa qadirsiniz və biz Dayanıqlı İnkişaf Məqsədlərinin həyata keçirilməsi kimi mühüm bir missiyada sizə güvənirik və sizə ehtiyac duyuruq”.

Forumun təşkilində əsas məqsəd Azərbaycan və region ölkələri gənclərini bir araya toplayaraq rəqəmli sahə üzrə inkişaf tendensiyalarının müzakirə və şərh edilməsi olub.

Tədbirə müxtəlif ölkələrdən, əsasən 17-25 yaş arası gənclər qatılıb.

Forum çərçivəsində iştirakçıların nəzəri və praktiki hazırlığı həyata keçirilib. Onlar tədbirin sonunda müxtəlif mövzularda təşkil olunacaq simulyasiya oyununda iştirak ediblər.

“İnternet idarəçiliyinin təməl prinsipləri”, “Gənclərin fikirlərinin formalaşmasında sosial medianın rolu” və “Gənclər üçün internetin biznes imkanları – ideyaların gerçəkləşməsi” adlı seminarlar keçirilib.

Eyni zamanda, “Gənclərin davamlı inkişafı üçün internet idarəçiliyi nə qədər vacibdir?”, “Qlobal, yoxsa spesifik internet – gənclərin fərqli dəyərlərə münasibəti”, “İnterneti uşaqlar və gənclər üçün necə təhlükəsiz etmək olar?” və digər mövzular üzrə debatlar təşkil olunub.

İyunun 1-də işə başlayan tədbir bu gün başa çatıb.


aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
28-03-2024