Mobil versiya
İran prezidentinin müşaviri arvadını güllələdi, həbs olundu
Tarix: 29-05-2019 | Saat: 09:50
Bölmə:Karusel / Dünya | çapa göndər

İran prezidentinin müşaviri arvadını güllələdi, həbs olundu


Tehranda İran Prezidentinin müşaviri Əli Nəcəfinin həyat yoldaşı güllələnib.



Virtualaz.org yerli KİV-ə istinadən bildirir ki, özünün yaşadığı evdə güllələnən qadın aldığı yaralardan yerindəcə ölüb.



Əvvəlcə insidentlə bağlı ətraflı heç bir məlumat verilməyib. Yalnız o bildirilib ki, öldürülən qadın Nəcəfinin ikinci həyat yoldaşıdır.

Amma son məlumata görə, arvadını Əli Nəcəfi özü öldürüb. Faktı artıq Tehran prokurorluğu da təsdiq edib. Oradan bildiriblər ki, cütlük arasında ailə problemi olub.



İran hüquq-mühafizə orqanları prezident Həsən Ruhaninin müşaviri, Tehranın keçmiş meri Məhəmməd Əli Nəcəfini həbs ediblər. Siyasətçi arvadını güllələdiyini etiraf edib və cinayətdə istifadə etdiyi silahı polisə təhvil verib.



Nəcəfi ifadəsində bildirib ki, arvadını mübahisə zamanı öldürüb. Prokurorluğun bildirdiyinə görə Nəcəfi 5 dəfə atəş açıb, güllələrdən ikisi arvadına dəyib.



Bundan əvvəl Tehran polisi bildirmişdi ki, paytaxtın siyasi elita nümayəndələrinin və yüksək vəzifəli məmurların yaşadıqları Saadat Abad rayonunda, Nəcəfinin evində baş vermiş hadisədə onun əli yoxdur. Çünki hadisə zamanı Nəcəfi evdə olmayıb. Lakin daha sonra prokurorluq 35 yaşlı Mitra Nəcəfinin əri tərəfindən öldürüldüyünü açıqlayıb.



67 yaşlı Nəcəfi 2017-ci ilin avqustunda Tehran meri seçilmişdi, amma 2018-ci ilin martında səhhətinə görə istefa verib və prezidentin müşaviri olub. O, prezident Həsən Ruhaniyə yaxın siyasətçi hesab edilirdi. İslam respublikasında çoxarvadlılıq qadağan edilməsə də Nəcəfi ikinci arvad alanda sosial şəbəkələrdə kəskin tənqid olunmuşdu.


aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
29-03-2024