Mobil versiya
"ABŞ Azərbaycan iqtisadiyyatına 13,6 mlrd.dollar investisiya yatırıb"
Tarix: 17-05-2019, 11:53 | Saat: 15:47:00
Bölmə:Manşet / İqtisadiyyat | çapa göndər

"ABŞ Azərbaycan iqtisadiyyatına 13,6 mlrd.dollar investisiya yatırıb"


Bu günədək ABŞ Azərbaycan iqtisadiyyatına 13,6 mlrd. dollar investisiya yatırıb.

Bunu Bakıda ABŞ-Azərbaycan İqtisadi Tərəfdaşlıq Komissiyasının 4-cü iclasında çıxış edərkən Azərbaycanın Maliyyə naziri Samir Şərifov deyib.

Onun sözlərinə görə, öz növbəsində Azərbaycan ABŞ iqtisadiyyatına 8,2 mlrd. dollardan çox investisiya yatırıb.

"Hesab edirik ki, bu göstəricilər bizim iqtisadi sahədə əməkdaşlığın potensialını tam əks etdirmir və bu rəqəmlər daha yüksək ola bilərdi", - deyə nazir bildirib.
Nazir həmçinin bildirib ki, son 15 ildə Azərbaycan iqtisadiyyatı çox yüksək templə inkişaf edib. ÜDM 3,3 dəfə, sənaye istehsalı 2,6 dəfə, ixrac 4,7 dəfə, valyuta ehtiyatları 34 dəfə artıb.

"Bir neçə il öncə qlobal əmtəə bazarlarındakı qiymət dəyişkənliyi Azərbaycan iqtisadiyyatına təsirsiz ötməyib. Neft qiymətlərinin kəskin azaldığı, ölkənin əsas ticarət tərəfdaşlarının valyutalarının dəyərsizləşdiyi şəraitdə ölkədə makroiqtisadi iqtisadi sabitlik tezliklə bərqərar edildi, inflyasiya birrəqəmliyə çatdırıldı, genişmiqyaslı iqtisadi islahat proqramı, o cümlədən əhalinin sosial həssas təbəqələri üçün əhatəli sosial paket hazırlanaraq tətbiq olundu", - deyə nazir bildirib.

S. Şərifov əlavə edib ki, 2018-ci ildən etibarən ölkə iqtisadiyyatı artım trayektoriyasına döndü və ÜDM-in artımı 2018-ci ildə 1,4% təşkil etdi, cari ilin birinci rübündə isə 3%-dək yüksəldi.(ONA)

aia.az



573 dəfə oxunub.

Bölməyə aid digər xəbərlər
7-10-2016, 10:55 Manatın MƏZƏNNƏSİ



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
Кликните на изображение чтобы обновить код, если он неразборчив

25-06-2019
24-06-2019
«    Июнь 2019    »
ПнВтСрЧтПтСбВс
 12
3456789
10111213141516
17181920212223
24252627282930