Mobil versiya
Nazir müavini: Azərbaycanda yoxsulluq səviyyəsi 5 faizədək azalıb
Tarix: 02-05-2019 | Saat: 15:01
Bölmə:Manşet / İqtisadiyyat | çapa göndər

Nazir müavini:


Azərbaycan 2030-cu ilədək Dayanıqlı İnkişaf Məqsədləri üzrə müəyyən öhdəlik götürmüş 193 BMT üzv ölkəsi sırasındadır.

Trend-in məlumatına görə, bunu İqtisadiyyat nazirinin müavini Sevinc Həsənova Bakıda V Ümumdünya Mədəniyyətlərarası Dialoq Forumu çərçivəsində keçirilən “Dayanıqlı inkişaf məqsədləri üçün tərəfdaşlığın qurulması” mövzusunda beynəlxalq təşkilatların yüksək səviyyəli görüşündə deyib.

Onun sözlərinə görə, Azərbaycan Dayanıqlı İnkişaf Məqsədlərinə nail olmaq üçün vacib addımlar atır:

“Azərbaycan BMT-nin fəal üzvüdür, yoxsulluq və işsizliklə mübarizədə nailiyyətlərinə görə “Cənub-Cənub” mükafatına layiq görülüb”.

S.Həsənova xatırladıb ki, 2000-ci illərin əvvəlində ölkədə yoxsulluq səviyyəsi 50 faizə bərabər idi, indi isə bu göstərici 5 faizədək azalıb.

Nazir müavini əlavə edib ki, Azərbaycan hökuməti Dayanıqlı İnkişaf üzrə Əlaqələndirmə Şurası yaradıb və bu qurum aktiv fəaliyyət göstərir.

Xatırladaq ki, mayın 2-də Heydər Əliyev Mərkəzində “Ayrı-seçkilik, qeyri-bərabərlik və zorakı münaqişəyə qarşı fəaliyyət naminə dialoq quraq” şüarı altında V Ümumdünya Mədəniyyətlərarası Dialoq Forumu işə başlayıb.

İki gün davam edəcək Forum Azərbaycan hökumətinin təşkilatçılığı, UNESCO, BMT-nin Sivilizasiyalar Alyansı, Dünya Turizm Təşkilatı, Avropa Şurası və ISESCO-nun tərəfdaşlığı ilə keçirilir. Tədbirdə 100-dən çox ölkənin və 30-dan çox beynəlxalq təşkilatın yüksəksəviyyəli rəsmiləri iştirak edirlər.

aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
28-03-2024