Mobil versiya
"Ermənistan işğalı sülh olaraq qəbul edir" - PA rəsmisi
Tarix: 18-03-2019, 16:59 | Saat: 15:47:00
Bölmə:Manşet / Siyasət | çapa göndər

"Ermənistan işğalı sülh olaraq qəbul edir" - PA rəsmisi


“Əminliklə bildirirəm ki, Azərbaycan xalqı sülhə hazırdır. Sülhün davamlı olması üçün onun ədalətli olması lazımdır. Yəni Ermənistan ordusu işğal etdiyi əraziləri boşaltmalı, qaçqın və məcburi köçkünlər öz torpaqlarına geri qayıtmalıdır”.

Moderator.az xəbər verir ki, bunu Prezident Administrasiyasının Xarici siyasət məsələləri şöbəsinin müdiri Hikmət Hacıyev “Anadolu” agentliyinə müsahibəsində deyib.

PA rəsmisi vurğulayıb ki, yalnız bu halda bölgədə ədalətli sülh yaradıla bilər: “Ermənistanın dediyi sülhlə beynəlxalq hüququn dediyi sülh arasında fərq var. Ermənistan mövcud vəziyyəti, işğalı sülh olaraq qəbul edir. Buna sülh demək mümkün deyil. Ermənistan xalqının sülhə hazırlanmasına ciddi ehtiyac var. Ermənistan ona aid olmayan işğal etdiyi torpaqları geri qaytarmalı, Azərbaycan və digər qonşu dövlətlərlə sülh şəraitində yaşamalıdır”.

H.Hacıyev qeyd edib ki, Ermənistanın işğalçı siyasəti bölgədə sülhü və sabitliyi təhdid edir: “Bu siyasət səbəbindən hər zaman gərginliklər yarana bilər. Bunun məsuliyyəti birbaşa Ermənistanın üzərinə düşür. Azərbaycan problemin sülh yolu ilə həllinə inanır. Münaqişənin sülh yolu ilə həlli imkanlarının bitmədiyi qənaətindəyik. 25 ildən artıq müzakirələrin davam etməsi Azərbaycanın yaxşı niyyətinin və sülhə olan sadiqliyinin nümunəsidir. Bu eyni zamanda Azərbaycanın güzəştidir. Amma, bu hal sonsuza qədər belə davam etməyəcək”.

aia.az



5158 dəfə oxunub.

Bölməyə aid digər xəbərlər


Xəbərə şərh yaz
Ad və soyad:*
E-Mail:
Şərhiniz:
Kodu yazın: *
Кликните на изображение чтобы обновить код, если он неразборчив

25-04-2019
24-04-2019
«    Апрель 2019    »
ПнВтСрЧтПтСбВс
1234567
891011121314
15161718192021
22232425262728
2930 
{sape_links}{sape_article}