Mobil versiya
Xələf Xələfov: Xəzərin statusu barədə Konvensiya Xəzəryanı ölkələrin tarixində yeni səhifədir
Tarix: 19-02-2019 | Saat: 12:45
Bölmə:Siyasət | çapa göndər

Xələf Xələfov: Xəzərin statusu barədə Konvensiya Xəzəryanı ölkələrin tarixində yeni səhifədir


Xəzər dənizinin hüquqi statusu barədə Konvensiyanın imzalanması Xəzəryanı ölkələrin tarixində yeni səhifədir.

Trend-in məlumatına görə, bunu Nazirlər Kabineti Aparatının rəhbəri Xələf Xələfov Xəzər dənizi məsələləri üzrə Yüksək Səviyyəli İşçi Qrupunun birinci iclasında deyib.

O qeyd edib ki, Xəzəryanı ölkələr arasında dostluq və əməkdaşlıq, qarşılıqlı hörmət və etimad, eləcə də ölkələrin suverenliyinə hörmət münasibətləri mövcuddur:

“Bu sənədin imzalanması Xəzəryanı ölkələr arasında münasibətlərin daha da inkişafına xidmət edir. Əsas məqsəd hüquqi statusun qorunmasıdır”.

İşçi qrupunun fəaliyyətindən danışan X.Xələfov bildirib ki, qrupun əsas tapşırıqları ölkələr arasında əlaqələrin möhkəmləndirilməsi məsələlərinin müzakirəsidir:

“İclas zamanı iştirakçılar işçi qrupunun iş prosedurlarını müəyyənləşdirəcək, Konvensiyanın hər bir ölkənin qanunvericiliyi əsasında təsdiqlənməsini müzakirə edəcəklər. Həmçinin Xəzər dənizində ərazi sularını müəyyənləşdirmək məqsədilə birbaşa çıxış xətlərinin qurulması metodikası müzakirə olunacaq”.

aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
28-03-2024