Mobil versiya
Azərbaycanın dövlət sərhədini pozan 4 əcnəbi saxlanılıb
Tarix: 07-02-2019 | Saat: 11:31
Bölmə:Cəmiyyət | çapa göndər

Azərbaycanın dövlət sərhədini pozan 4 əcnəbi saxlanılıb


Dövlət Sərhəd Xidməti (DSX) tərəfindən dövlət sər­hə­dinin təhlükəsizliyinin təmin edilməsi sahəsində əməliyyat-axtarış və sərhəd mühafizə tədbirləri davam etdirilir.

DSX-dən aia.az-a verilən məlumata görə, son gün­lərdə döv­lət sərhədini pozmağa cəhd edərkən 2 Şri-Lanka, 1 Özbəkistan, 1 Azər­baycan vətəndaşları, həmçinin dövlət sərhədinin pozulması ilə əla­qədar cina­yətlərin iştirakçısı olan 1 Şri-Lanka və 3 Azərbaycan vətən­daş­ları saxlanılıb.

15 yanvar tarixində Heydər Əliyev Beynəlxalq Aeroportunda "Bakı-London” reysi ilə uçmağa hazırlaşan Şri-lanka vətəndaşları 1972-ci il təvəllüdlü Subramaniyam Rasenthiram və 1999-cu il təvəllüdlü Siththira­sekaram Panusam sənədlərin rəsmiləş­dirilməsi zamanı təqdim etdikləri Böyük Britaniyaya məxsus vizaları saxta olduğundan saxlanılıblar. Keçi­ril­miş əməliyyat-axtarış tədbirləri nəticəsində saxta sənədlərin əldə olunması, düzəldilməsi, istifadəsində şübhəli bilinən Şri-Lanka vətəndaşı 1982-ci il tə­vəl­lüdlü Sivangnanam Kirusanthan və onunla əlbir olan Azərbaycan vətən­daşları 1986-cı il təvəllüdlü Mövlayev İlqar Dilqəm oğlu, 1983-cü il təvəl­lüdlü Ağalarov Ramazan Mirtalıb oğlu və 1993-cü il təvəllüdlü Piriyev Şahin Əhmədağa oğlu saxlanılıblar.

18 yanvar tarixində Dövlət Sərhəd Xidmətinin Sərhəd Qoşunlarının "Xudat” sərhəd dəstəsinin xidməti ərazisində Qusar rayonunun Samur qə­sə­bəsinin ərazisindəki sərhəd zastavasının xidməti sahəsində Azərbay­candan Rusiya istiqamətində dövlət sərhə­dini pozmağa cəhd edərkən Şəmkir rayon sakini 1990-cı il təvəllüdlü Alıoğlu Orxan Famil oğlu sərhəd pozucusu qismində saxlanıl­ıb. 20 yanvar tarixində eyni ərazisindən və eyni istiqamətdə dövlət sərhə­dini pozmağa cəhd edərkən Özbəkistan vətəndaşı 1951-ci il təvəllüdlü Nurmakhammadov Ramazon Nurmaham­mad oğlu sərhəd pozu­cusu qis­mində saxlanılıb. Hər iki şəxsin üzərində Rüsiya Federasiyasından de­por­tasiya olunması barədə arayışlar aşkarlan­ıb.

Saxlanılan şəxslər barəsində cinayət işi başlanılıb, müvafiq əməliyyat-istintaq tədbirləri davam etdirilir.


aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
28-03-2024