Mobil versiya
Bakıda keçiriləcək bədii gimnastika üzrə dünya çempionatının loqosu təsdiqlənib
Tarix: 4-02-2019, 10:35 | Saat: 15:47:00
Bölmə:İdman | çapa göndər

Bakıda keçiriləcək bədii gimnastika üzrə dünya çempionatının loqosu təsdiqlənib


Bakıda keçiriləcək bədii gimnastika üzrə dünya çempionatının loqosu təsdiqlənib.

Bu barədə Trend-ə Azərbaycan Gimnastika Federasiyasından məlumat verilib.

Bakı 2019-cu ildə gimnastika yarışlarının mərkəzi şəhərlərindən birinə çevriləcək. Belə ki, bu il gimnastika növləri üzrə 3 Dünya Kuboku, 2 Avropa çempionatı və nəhayət, 1 dünya çempionatının təşkili Azərbaycan Gimnastika Federasiyasına həvalə olunub.

Kuboklardan batut (16-17 fevral) və idman gimnastikası (14-17 mart), çempionatlardan isə bədii gimnastika üzrə dünya çempionatının (16-22 sentyabr) əsas özəlliyi Tokio Olimpiya Oyunları 2020-ə lisenziya xarakteri daşımasıdır.

Yeri gəlmişkən, ilin ilk kubokunda medallar və lisenziya xalları uğrunda mübarizə aparacaq ən güclü batutçuların adları artıq məlumdur. İdman gimnastikasında isə fevral ayının ortalarında siyahının açıqlanacağı gözlənilir.

Bütün bu turnirlərə paralel gedən hazırlıq mərhələsində bədii gimnastika üzrə dünya çempionatının loqosu da artıq təsdiqlənib.

Bənövşəyi, qızılı və qırmızı rənglərin qarışıq tonları ilə qadın incəliyinin vurğulandığı loqoda əsas alət kimi lent seçilib. Bədii gimnastikanın ən sevilən alətlərindən olan lentin möhtəşəmliyi bu çempionatda gimnastlara dünya arenasını fəth etməyə ilham verəcəyi ən incə detallarla loqoda ifadə olunub.

Bədii gimnastika üzrə 37-ci dünya çempionatının iştirakçılarına isti və əlvan rənglərin ahəngliyi ilə müsbət enerjinin ötürüləcəyinə inanan yarış təşkilatçıları məhz bu maraqlı kompozisiyanı ərsəyə gətirməklə, sentyabr ayında dünya gimnastika ulduzlarını ən yüksək ab-havada qarşılayacaqlar.

aia.az



5120 dəfə oxunub.

Bölməyə aid digər xəbərlər


Xəbərə şərh yaz
Ad və soyad:*
E-Mail:
Şərhiniz:
Kodu yazın: *
Кликните на изображение чтобы обновить код, если он неразборчив

25-04-2019
24-04-2019
«    Апрель 2019    »
ПнВтСрЧтПтСбВс
1234567
891011121314
15161718192021
22232425262728
2930 
{sape_links}{sape_article}