Mobil versiya
“Rüşvət təklifi edən gömrük əməkdaşları qanun qarşısında cavab verəcəklər” - General
Tarix: 30-01-2019 | Saat: 12:00
Bölmə:Manşet / Gündəm | çapa göndər

“Rüşvət təklifi edən gömrük əməkdaşları qanun qarşısında cavab verəcəklər” - General


"2018-ci il gömrük orqanları üçün bir çox sahələrdə uğurlu il olub”.

aia.az Report-a istinadən xəbər verir ki, bunu Dövlət Gömrük Komitəsinin (DGK) sədri Səfər Mehdiyev bu gün gömrük əməkdaşlarının peşə bayramı münasibəti ilə bağlı keçirilən kollegiya iclasında bildirib.

Onun sözlərinə görə, keçən il gömrük sistemində aparılan idslahatlar və bu sahədəki nailiyyətlər bunu deməyə əsas verir: "Xüsusilə də fiskal siyəstdə böyük uğurlar əldə edilib. Ötən il büdcə ödənişlərin öhdəliyini 1 milyard manatdan artıq həyata keçirilməsi Komitənin ən böyük uğurlarından biridir”.

S. Mehdiyev bildirib ki, ötən il gömrükçülər 1,2 tona qədər narkotik vasitə aşkar edib ki, bu da ölkənin gömrük sisteminin tarixində rekord göstəricidir. Müsadirə edilmiş narkotikanın böyük hissəsi heroin olub.

Bundan başqa, DGK sədrinin sözlərinə görə, bu gün gömrük sistemində kadr islahatları öz nəticəsini verməkdədir: "Bir neçə gömrük inspektorunun eyni işi görməsinə, "ötür-ötür” oynamasına son qoyulub. Bu gün demək olar ki, bütün kadrlar öz yerindədir”.

S. Mehdiyev vurğulayıb ki, ötən il bir neçə gömrük əməkdaşı tutduğu vəzifəyə və daşıdığı rütbəyə hömətsizlik edib, rüşvət və korrupsiyaya bulaşıb: "Ancaq onlar bu gün gömrük sistemində yoxdurlar və hüquq mühafizə orqanlarında işlərinə baxılır, onlara qarşı cinayət işi açılacaq. Düşünürəm ki, bu digər əməkdaşlara da bir siqnal olmalıdır. Belə əməkdaşlar, öz işinə və peşəsinə hörmət etməyən adamlar bizim sıralarımızdan gedəcək”.

Onun sözlərinə görə, rüşvət təklifi verən və belə cəhdlər edən gömrük əməkdaşları qanun qarşısında cavab verəcəklər: "Belə hallar bu gün də var. Bu məsələni Komitə ciddi araşdıracaq. Belə halların qarşısı qısa müddətdə alınmalıdır”.

aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
28-03-2024