Mobil versiya
Milli Şuranın mitinqinə kimlər qoşulacaq?
Tarix: 13-04-2018 | Saat: 11:24
Bölmə:Manşet / Siyasət | çapa göndər

Milli Şuranın mitinqinə kimlər qoşulacaq?


Bakı Şəhər İcra Hakimiyyəti Milli Şurasının aprelin 14-ə təyin etdiyi mitinqlə bağlı məktubu cavablandırıb və müsbət cavab verib. Müxalifətin aprelin 14-də saat 15.00-dan 17.00-dək Yasamal rayonunda yerləşən “Məhsul” İdman Sağlamlıq Mərkəzinin stadionunda mitinq keçirməsinə etiraz edilməyib.

Maraqlıdır, mitinqə başqa hansı qüvvələr qoşulacaq?



Müsavat Partiyasının Mərkəzi İcra Aparatının rəhbəri Gülağa Aslanlı Modern.az saytına açıqlamasında deyib ki, mitinqə başqa qüvvələr, narazı təbəqə istənilən vaxt qoşula bilər:

“Əslində indi məqamdır. Yəni seçkilərdən gözləntiləri olan, özlərini aldadan insanlar nəhayət bunu hiss edib mitinqə qatılmalıdılar. Bu baxımdan əminəm ki, sabahkı mitinqimizdə insanların sayı əvvəlkindən çox olmalıdır. Havanın necə olmasından asılı olmayaraq gözləntilərimiz belədir”.



Milli Şuranın Koordinasiya Mərkəzinin üzvü Oktay Gülalıyev deyib ki, hazırda hansı qüvvələrin mitinqə qoşulacağını demək çox çətindir:

“Bu və ya digər səbəblərdən mitinqlərdə iştirak etməyən, etmək istəməyən bəzi şəxslər "biz bu mitinqə dəvət olunmamışıq" deyib aksiyada iştiraka tərəddüd edirlər. Hamı bilsin ki, bu mitinqlər ümumxalq etiraz mitinqidir.

Mitinq hamının üzünə açıqdır. Hər bir şəxs mitinqin təşkil edilməsi, hazırlanması, həyata keçirilməsindən tutmuş digər bütün işlərində iştirak edə, töhfə verə bilər. Bunun üçün heç bir qadağa yoxdur, əksinə təşəbbüslər alqışlanır. Yetər ki, hamı gəlib bu mitinqlərin təşkilatçısı və iştirakçısı olsun, özü ilə mitinqə dostlarını gətirsin. Xüsusi dəvət gözləyənlər bilsin ki, özünü xalqın yanında hesab edən hər kəs mitinqə dəvətlidir. Bu mitinq xalqındır, həm də sizindir”.

aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
28-03-2024