Mobil versiya
Hesabat: 27 il ərzində Azərbaycan iqtisadiyyatı MDB-də ən yüksək artımı nümayiş etdirib
Tarix: 9-04-2018, 11:15 | Saat: 15:47:00
Bölmə:Karusel / İqtisadiyyat | çapa göndər

Hesabat: 27 il ərzində Azərbaycan iqtisadiyyatı MDB-də ən yüksək artımı nümayiş etdirib


1990-cı ildən 2017-ci ilədək Azərbaycan iqtisadiyyatı MDB ölkələri arasında ən yüksək artımı nümayiş etdirib.

AİAAz Trend-ə istinadən xəbər verir ki, bu barədə Analitik Kredit Reytinq Agentliyinin (AKRA) hazırladığı MDB neft iqtisadiyyatlarının makroiqtisadi icmalında deyilir.

İcmalda qeyd olunur ki, SSRİ-nin dağılmasından sonra MDB-yə daxil olan bütün ölkələr iqtisadi fəallığın mühüm dərəcədə azalması ilə üzləşdilər: "Azalmanın ən yüksək həddi 1995-ci ildə qeydə alınıb. Bu dövrdə azalma 1990-cı illə müqayisədə orta hesabla 48 faiz təşkil etmişdi".

Qeyd olunur ki, 2003-cü ildən 2007-ci ilədək MDB ölkələrinin böyük hissəsi 1990-cı ilin göstəricilərinə çatıb: "Ən son Tacikistan (2013) və Gürcüstan (2017) iqtisadiyyatları bərpa olunub. Ukrayna və Moldova iqtisadiyyatları isə azalmadan sonra tam bərpa oluna bilməyib. 1990-cı ildən 2017-ci ilədək Azərbaycan və Qazaxıstan real ÜDM-i iki dəfə artıra bilib: bu ölkələrdə iqtisadi fəallıq müvafiq olaraq 2,6 və 2,03 dəfə artıb".

İcmal müəllifləri vurğulayır ki, təhlil olunan dövrdə Azərbaycanın neft iqtisadiyyatı bərpa və iqtisadi artım nümayiş etdirib:

"1990-cı ildən 2017-ci ilədək Azərbaycan ümumi daxili məhsulunun formalaşmasının əsas tendensiyaları arasında iqtisadi miqyasına görə mühüm hesab olunan yeni vasitələrin, xüsusilə də hasilatla bağlı vasitələrin tətbiqi tendensiyasını qeyd etmək olar. 2008 və 2010-2011-ci illər istisna olmaqla, bütün bu dövr ərzində ölkədə istehsalat gücü əmək ehtiyatları ilə müqayisədə daha çox artıb".

İcmalda vurğulanır ki, 2000-ci illərdə investisiya axını (xüsusilə, neft-qaz sahəsinə) və qeyri-neft seqmentlərinə olunan multiplikativ təsir Azərbaycan iqtisadiyyatına əhəmiyyətli təkan verib:

"2017-ci ilin yekunlarına əsasən ÜDM-nin qeyri-neft hissəsi 2,7 faiz artım nümayiş etdirib. 2017-ci ildə neft qiymətləri daha çox artımı məhdudlaşdıran amil kimi çıxış edib, bu isə ÜDM-in nominal artımında (0,1 faiz) özünü göstərib. 2018-ci ildən 2019-cu ilədək Azərbaycanın ÜDM-i neft qiymətlərinin dinamikası ilə bağlı müsbət gözləntiləri nəzərə alaraq artım nümayiş etdirməlidir".

AİA.Az



5342 dəfə oxunub.

Bölməyə aid digər xəbərlər


Xəbərə şərh yaz
Ad və soyad:*
E-Mail:
Şərhiniz:
Kodu yazın: *
Кликните на изображение чтобы обновить код, если он неразборчив

17-07-2019
16-07-2019
«    Июль 2019    »
ПнВтСрЧтПтСбВс
1234567
891011121314
15161718192021
22232425262728
293031