Mobil versiya
"Milli komandada milliyə dəyər verənlər oynayacaq" - Rəşad Sadıqov
Tarix: 13-12-2017 | Saat: 17:19
Bölmə:İdman | çapa göndər

"Milli komandada milliyə dəyər verənlər oynayacaq" - Rəşad Sadıqov



"İlk növbədə, mənə inanıb etimad göstərdiyinə görə AFFA rəhbərliyinə və milli komandanın baş məşqçisi Qurban Qurbanova təşəkkür edirəm".

aia.az-ın məlumatına görə bunu U-21 və U-20 Azərbaycan yığmalarının yeni baş məşqçisi Rəşad Sadıqov AFFA-nın saytına açıqlamasında deyib.

R.Sadıqov bildirib ki, Millidə çalışmaq həm qürurverici, həm də çox məsuliyyətlidir:

"Əvvəlcə mənə yalnız U-20 yığmasını çalışdırmaq təklif olunmuşdu. Ancaq sonra AFFA-nın baş katibi Elxan Məmmədov və Qurban müəllimlə görüşümüz oldu və U-21 yığmasının da baş məşqçisi olmağımı istədiklərini dedilər. Qurban müəllim milli komandalar arasında yeniyetmə və gənclərin itməməsi, daim beynəlxalq oyun təcrübəsinə malik olması üçün U-18 və U-20 yığmasının yaradılmasını istədi. Bildiyiniz kimi, U-20 yığmasına cəlb olunacaq 1998 və 1999-cu il təvəllüdlü futbolçular növbəti seçmə mərhələdən artıq U-21 yığmasına keçəcək. Həm də nəzərə almalıyıq ki, seçmə mərhələnin başa çatmasına az qalıb və indidən növbəti yaş qrupunu hazırlamaq lazımdır. Bu məqsədlə hər iki yığmanı mənə həvalə etdilər. Qarşıdakı oyunlarda həm də növbəti seçmə mərhələ üçün komandanı formalaşdırmağa çalışacağam".

Baş məşqçi 1998 və 1999-cu il təvəllüdlü futbolçulardan ən yaxşılarının təcrübə qazanmaları üçün U-21 yığmasına da cəlb ediləcəyini bildirib:

"Futbolçuların seçimi ən çox diqqət yetirməli olduğumuz məqamdır. Milli komandaya işini sevən, qarşısına böyük məqsədlər qoyan və milli formaya dəyər verən futbolçular dəvət alacaq. U-20 yığmasındakı fəaliyyətim əsasən may ayından sonra başlayacaq. Yoxlama oyunları keçirməyi planlaşdırırıq. Növbəti seçmə mərhələyə qədər komandanı formalaşdırmağa çalışacağam. Bundan sonra isə həm U-20, həm də U-21 yığmasının baş məşqçisi ayrı olacaq. "Qarabağ”ın U-19 komandasındakı işimə gəlincə, oradakı fəaliyyətimi başa vuracağam”.

aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
29-03-2024