Mobil versiya
ATU-nun Tədris Cərrahiyyə Klinikasında daha bir riskli cərrahi əməliyyat icra edilib
Tarix: 01-12-2017 | Saat: 17:11
Bölmə:Səhiyyə | çapa göndər




ATU-nun Tədris Cərrahiyyə Klinikasının həkimləri növbəti riskli və uğurlu əməliyyata imza atıblar.

Bu haqda klinikanın ortopediya və travmatologiya şöbəsinin müdiri, assistent, t.ü.f.d. Cəfər Nəsirli məlumat verdi. Onun sözlərinə görə 50 yaşlı A tip hemofiliyalı kişi xəstə sağ diz oynağının artrozu dianozu ilə klinikaya müraciət edib: “Məlum olub ki,bundan əvvəl həmin pasiyent Almaniyada əməliyyat olunub. Lakin əməliyyat uğursuz alınıb. Xəstənin diz oynağı “sementlənərək dondurulub”. Belə ki, bundan sonra xəstənin ayağı normal hərəkət etməyib. Bu nəticəni gördükdən sonra xəstə bizim klinikaya müraciət edib. Biz xəstənin sağ diz oynağının reviziyon endoprotezləşdirilməsi cərrahi əməliyyatını icra etdik. Pasiyent hemofiliya xəstəsi olduğundan belə bir əməliyyatın aparılması daha çox riskli idi. Çünki əməliyyat zamanı qanaxma da ola bilərdi. Lakin həkimlərimiz bu ağır əməliyyatın öhdəsindən müvəffəqiyyətlə gəldilər”.

Qeyd edək ki, bundan əvvəl C.Nəsirli həmin xəstənin sol dizinə süni oynaq köçürülməsi icra edib. Bu dəfə daha geniş əməliyyat xəstənin sağ dizində uğurla keçirilib. Əməliyyat 4 saat davam edib. Əməliyyatın riskli olmasına baxmayaraq, əməliyyat uğurla aparılıb. Xəstə artıq əməliyyatdan 1 həftə sonra ayağa durub gəzə bilir.

aia.az







Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
28-03-2024