Mobil versiya
Rayon maşınlarına qoyulan qadağa ləğv edilib?
Tarix: 25-10-2015 | Saat: 13:21
Bölmə:Gündəm / Aia TV / Karusel | çapa göndər

Rayon maşınlarına qoyulan qadağa ləğv edilib?

Son günlər Azərbaycanda rayon qeydiyyatında olan avtomobillərin günün müxtəlif vaxtlarında Bakıya buraxılması ilə bağlı tətbiq olunan qadağının aradan qaldırılması barədə şaiyələr yayılmaqdadır

Bildirilir ki, bununla bağlı yüksək dairələr tərəfindən göstəriş verilib. Oxucular və Avtosfer.az-ın əməkdaşları rayon maşınlarının saxlanıldığı postlarda bir neçə gün müşaşidələr aparıblar. Məlum olub ki, həqiqətən də bəzi günlərdə postlarda heç bir qadağa qoyulmayıb, yol polisi əməkdaşları gözə dəyməyib. Yol açıq olub və rayon maşınları rahat şəkildə Bakıya daxil ola biliblər.

Lakin Baş Dövlət Yol Polisi İdarəsinin şöbə rəisi, polkovnik Kamran Əliyev bildirib ki, məlum qadağa aradan qaldırılmayıb: `Bəli, doğrudan da son günlər şaiyə yayılıb ki, guya rayon qeydiyyatında olan maşınların Bakıya buraxılması ilə bağlı qoyulmuq qadağa ləğv edilib. Lakin bu şaiyələrin heç bir əsası yoxdur. Mən özüm bu gün həmin postlardan birində müşahidə aparmışam və görünən budur ki, postda yol polisi əməkdaşları xidməti davam etdirir. Sürücülərə bildirmək istəyirəm ki, Nazirlər Kabineti yanında Yol Hərəkəti Təhlükəsizliyi Komissiyaının rayon qeydiyyatında olan nəqliyyat vasitələrinin Bakıya buraxılmasını qadağan edən məlum qərarı qüvvədədir və qurulmuş potslarda xidmət davam edir. Ola bilər ki, hansısa postda yol polisi əməkdaşları bir-iki dəqiqə görünməyib. Bu da onunla bağlı ola bilər ki, əməkdaşlar rayon qeydiyyatında olan maşını saxlayıb və duracağa yönləndirərkən postdan uzaqlaşıb`.



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
29-03-2024