Mobil versiya
Danimarkada “İmam Əli məscidi” açıldı
Tarix: 02-10-2015 | Saat: 13:45
Bölmə:Şou-biznes / Aia TV / Karusel | çapa göndər

Danimarkada “İmam Əli məscidi” açıldı


İslam dininin və müsəlmanların ən çox təhqir edildiyi ölkələrin başında gələn Danimarkada məscid açıldı

Gün.Az "TRT Xəbər"ə istinadən xəbər verir ki, məscid Danimarkanın paytaxtı Kopenhagen şəhərində müsəlmanların ən çox yaşadığı Nörrebro istiqamətində açılıb.

Minlərlə insanın iştirakı ilə açılan məscid 2100 kv.m ərazidə tikilib. Qoşa minarəli məsciddə eyni vaxtda 500 müsəlman namaz qıla biləcək.

Məscidin açılışında çıxış edən iranlı imam Şeyx Nisar bildirib ki, məscidlər ibadət yeri olmaqla bərabər, həm də təhsil mərkəzidir:

“Burada insanlar birlikdə yaşamağı, hörməti və sevgini öyrənir. Məscidlər həm də həmrəylik və yardımlaşma mərkəzidir. Məscidlər insanların çox mövzuda danışa biləcəkləri yerdir. Müsəlmanlar və müsəlman olmayan hər kəs bizə müraciət edə bilər”, - deyə iranlı imam bildirib.

Qeyd edək ki, məscidin tikintisi 60 milyon krona (9,5 milyon manat) başa gəlib.

Məlumat üçün bildirək ki, Danimarkada tez-tez İslam dini, Hz.Məhəmməd peyğəmbər (s.a.s) və müsəlmanlar əleyhinə çıxışlar edilir.

Məscidin açılışı islamafobiyanın güclü olduğu bu ölkədə İslam maarifləndirilməsi və yanlış fikirlərin aradan qaldırılmasına da dəstək olacaq.



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə