Mobil versiya
Kiminin pulu, Kiminin duası
Tarix: 16-02-2017 | Saat: 15:48
Bölmə:Səhiyyə | çapa göndər

Kiminin pulu, Kiminin duası

Lalə Əliyeva Zeynalabdin qızı 2005-ci ildə Bakı şəhərində anadan olub. Hazırda orta məkətəbin V sinfində təhsil alır. 2016-ci ilin dekabr ayında anadan gəlmə ürək qüsurunun genişlənmiş forması ilə diaqnoz qoyulub və təcili əməliyyat tələb olunur. Transkateter üsulu ilə həyata keçiriləcək əməliyyat üçün tələb olunan məbləğ 10.000 manatdır. Ailə ortatəminatla keçindiyi və ailənin bir üzvünün də xərçəng xəstəliyindən əziyyət çəkdiyi üçün tələb olunan məbləğin çox cüzi hissəsini toplaya bilib (2000 AZN). "2016-cı ilin dekabr ayında bir sıra simptomlara görə (Nəfəs almaqda çətinlik, siyanoz və s.) bacımı kardioloji müayinəyə apardıq. 3 fərqli klinikada müayinə olundu və nəticə olaraq genişlənmiş anadan gəlmə ürək qüsuru (Atrial Septal Defect – 37 mm) aşkarlandı. Həkimlər, 11 yaşın yetəri qədər çox olduğunu, qüsurun böyük olduğunu və təcili əməliyyat olunmalı olduğunu bildirdilər. Çünki, yeniyetməlik dövrünə keçid başladığı üçün artıq problem özünü sürətli şəkildə biruzə verməyə başlayıb. Bacımı, transkateter üsulu ilə (Amplatzer Septal Occluder vasitəsilə) müalicə etmək istəyirik. Bu metod ilə müalicə isə Mərkəzi Kliniki Xəstəxanada mümkündür. Əməliyyat üçün tələb olunan məbləğ 10.000 manatdır və əməliyyatı ən tez zamanda gerçəkləşdirilməlidir” – deyə Lalə Əliyevanın bacısı Tubu Əliyeva bildirib. Qeyd etmək istərdik ki, artıq 3 ildir ki, anası bağırsaq xərçəngindən (4-cü mərhələ metastaz) əziyyət çəkir. 20-dən çox kimyaterapiya kursu alıb və 3 əməliyyat keçirib. Xərçəng ağciyərlərinə yayılıb və böyrəkləri zədələnib. Bugünə qədər ailənin bütün qazancı onun müalicəsinə yönləndirilib. Lakin, müalicə işə yaramayıb və cari ilin fevral ayında müalicəsi dayandırılıb. Vəziyyəti ağırdır. İmkanı olan şəxslərdən, bizə dəstək olmasını xahiş edirik. Həyatın bumeranq olduğunu unutmamalıyıq. Bəlkə də ən böyük sevgiyə layiq olan o hər şeydən xəbərsiz saf uşaqlar olur. Biz birlikdə buna nail ola və o əməliyyat günü gözəl nəticənin sevincini, xoşbəxtliyini yaşaya bilərik.

Azərbaycan Beynəlxalq Bankı
Hesab nömrəsi: 4127 2222 3498 9937
Pul köçürməsi əməliyyatları Azericard və Beynəlxalq Bankın ATM-ləri vasitəsilə, həmçinin bank filiallarına yaxınlaşmaqla edilə bilər.

Əlaqə: Tubu Əliyeva (+994555128697; [email protected])

AİA.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
28-03-2024