Mobil versiya
Şadlıq evləri boş qalıb - Toy biznesi çöküb
Tarix: 15-02-2017 | Saat: 11:20
Bölmə:Gündəm / Aia TV | çapa göndər

Şadlıq evləri boş qalıb - Toy biznesi çöküb

Azərbaycanda toy məclislərinin sayı kəskin azalıb. Rəsmi məlumata əsasən 2016-cı ilin 11 ayı ərzində ölkə üzrə 60,8 min nikah qeydə alınıbsa, 2015-ci ilin müvafiq dövründə bu rəqəm 63,1 min olub.

Bir vaxtlar ayda 20-25 toy şənliyi təşkil edən restoranlar indi 1-2 toy tutanda sevinirlər.

“Mega Palace” şadlıq sarayının adminstratoru Yunus Kərimov deyib ki, təlabat əvvəlki illərlə müqayisədə çox azdır: “Əvvəlki dövrlərlə müayisədə toy edənlərin sayında yerlə göy qədər fərq var. Tələbat çox azalıb. Məsələn, 2015-ci ilin fevral ayında 15-20 toy olurdusa, hazırda 5 toy olanda sevinirik”.

“Elvin” şadlıq sarayının adminstratoru da həmkarı kimi gəlirlərinin azaldığını deyib: “İnsanlar ancaq gündəlik yaşamağın yolları haqda düşünürlər. Əvvəlki illərdə bir ay ərzində 15 toy olurdusa, hal-hazırda maksimum 2-3 toy olur”.

“Sərin” şadlıq sarayından suallarımıza cavablandıran şəxs hazırda vəziyyətin yaxşı olmadığını toy biznesinin çökdüyünü deyib: “Bilmirik, nə zamana qədər belə davam edəcək. Buna əsas səbəb, manatın kəskin şəkildə dəyərdən düşməsi oldu”.

“Gilavar” restoranının əməkdaşı Sahib Məmmədov isə hər şeyin qaydasında olduğunu söyləyib. Onun sözlərinə görə, mövsümlə bağlı toylara təlabat azalıb.

“Su Sonası” şadlıq sarayının adminstratoru toyların azlığından gileylənib.

“Şuşa” şadlıq sarayından sorğumuza cavab olaraq qeyd edib ki, devalivasiya və manatın üzən məzənnəyə keçməsi nəticəsində ərzaqların bahalaşması toyların sayının azalmasına səbəb olub.

“Əvvəlki qiymətlərin qorunub saxlanması biznes subyektləri üçün zərərə gətirib çıxarır. Ona görə də qiymətləri bahaldırmaq olmur. Menyuda qiymətləri sabit saxlamağa çalışırıq”.

Sorğu apardığımız digər şadlıq evlərində də vəziyyət oxşardır: qiymətlər qalxıb, toylar kəskin azalıb.(azvision.az)

AİA.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə