Mobil versiya
Ermənistana gedən şəxs Müsavatın üzvü olub
Tarix: 13-02-2017 | Saat: 13:07
Bölmə:Seçilənlər-1 | çapa göndər

Ermənistana gedən şəxs Müsavatın üzvü olub





Ermənistan Xarici İşlər Nazirliyi məlumat yayaraq bildirib ki, bu ölkənin hökuməti Talış Mədəniyyət Mərkəzi İdarə Heyətinin üzvü Şahin Mirzəyevin Ermənistanda “müvəqqəti sığınacaq” almaq istəyi ilə bağlı müraciətini müsbət qarşılayıb. Məlumatda o da qeyd olunub ki, Ermənistana sığınan şəxs həm də “Tolişi Sado” qəzetinin əməkdaşı, "Talış azadlıq hərəkatının" üzvüdür.

“AİA.AZ” xəbər verir ki, “Azinforum” saytının yazdığına görə, “Tolışi Sədo” qəzetinin sabiq baş redaktoru Hilal Məmmədov "Facebook"da bu məsələyə münasibət bildirərək qeyd edib ki, qəzetin Şahin Mirzəyev adlı jurnalisti olmayıb.

“Azəri-Talış” İctimai Birliyinin sədri Mehdibəy Səfərovun hadisə haqda bəyanatında iddia edilir ki, o, əslən Lerik rayonun Kəlvəz kəndindəndir. Uzun müddət Müsavat partiyasında təmsil olunub. Sonra, müəyyən narazılıqlar səbəbindən oranı tərk edib.

Şahin Mirzəyevin vaxtilə Müsavatda təmsil olunub-olunmaması ilə bağlı partiyanın başqan müavini Gülağa Aslanlı suala cavab vermək istəməyib.

Ş.Mirzəyevin Müsavat Partiyasının üzvü olduğu ilə bağlı iddiaları bu partiyanın funksioneri Yadigar Sadıqov “Yeni Müsavat”a təsdiqləyib. Amma 2014-cü ildə partiyadan çıxarıldığını qeyd edib.

Ş.Mirzəyevin Müsavat Partiyasının fəallarından olmasını onun partiyanın keçirdiyi aksiyalardakı fotoları da təsdiqləyir.

“Qafqazinfo” xəbər verir ki, Ş.Mirzəyevin Əlikram Hümbətovun yaxın adamı kimi tanındığı barədə də məlumatlar var. Talış Mədəniyyət Mərkəzinə qoşulan Şahin Mirzəyev özünü separatçı adlandırmaqdan belə çəkinmədiyi qeyd edilir. Bu haqda bildirilib ki, onun Talış Mədəniyyət Mərkəzində fəaliyyəti də əsaslı şübhələrə səbəb oub. Zaman-zaman Ş.Mirzəyevin fəallığının arxasında qara niyyətinin durması ilə bağlı sosial şəbəkələrdə məlumat paylaşılıb.

Bununla yanaşı, araşdırma zamanı o da müəyyən edilib ki, son zamanlar Ş.Mirzəyev Talış Mədəniyyət Mərkəzinin sədri Rafiq Cəlilovun rəhbərlik etdiyi “Talışen Sədo” qəzetinin əməkdaşı kimi fəaliyyət göstərib.



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
28-03-2024